Saturday, July 07, 2007

مهزلة العجائب

فيه هبل حصل من اول يناير اللى فات عن اجراء استفتاء بالنت والرسائل القصيرة
على اختيار عجائب الدنيا السبع بعد ان اختفت ولم يتبقى منها سوى الاهرامات والاستفتاء ده اثار الجدل فى كل مكان واولهم مصر طبعا اكيد عندهم حق ازاى تحطوا حاجة زى الاهرامات فى الاستفتاء وهى الاثر الوحيد المتبقى من السبع القدماء تيجى ازاى .
الاستفتاء ده حاجة كده حاجة كده زى استفتاءات المطربين الشباب وغيرها يعنى حاجات مش رسمية ومش خاضعة لاى هيئة تبع الامم المتحدة لا اليونيسكو ولا حتى الاونيسكو يعنى كلام هبل .
ونظم هذه الحملة المخرج السينمائي ورجل الأعمال السويسري برنارد فيبر بعد قيام حركة طالبان بتدمير تمثالي بوذا العملاقين في باميان حيث سيستخدم جزء من عائدات الحفل لتمويل إعادة إعمارهما.
وعلى اساس التصويت ممكن دولة زى الصين صاحبة اكبر عدد سكان فى العالم تدخل كل اثارها ومش بعيد محلات الفراخ كمان تعملها من العجائب السبع ولا ممكن دولة زى الهند صاحبة تانى اكبر عدد من السكان ومن اهم الدول على خارطة التطور التكنولوجى للبرمجيات والانترنت ممكن تخلى عمامة رئيس اى قبيلة من بتوعهم اثرية ياسلام هى جت على دى وماله .
الحاجة باه اللى استفزتنى ان من ضمن الاثار المرشحة تدخل قائوة العجائب تمثال الحرية بتاع اول امبارح ده والكريملين ( اللى ناويين يبلطوه قريب )
ومش بعيد كمان كام سنة على رأى صاحب مدونة أخف دم يحطوا شنب هتلر فى العجائب ولا شعر صدر كلينتون
يقال انه فى 70 مليون مصوت عبر العالم شاركوا فى الاستفتاء على سبع عجائب من العشرين

الأكروبوليس، اليونان - أيا صوفيا، تركيا - الكرملين، روسيا - الكولوسيوم، إيطاليا - قلعة نيوشفانشتاين، ألمانيا - برج إيفل، فرنسا - أحجار ستونهنج، بريطانيا - الحمراء، أسبانيا - سور الصين العظيم - معبد كيوميزو، اليابان - دار أوبرا سيدني، أستراليا - معابد وآثار أنكور، كمبوديا -تاج محل، الهند - آثار تمبكتو القديمة، مالي - البتراء، الأردن - تمثال المسيح الفادي، البرازيل - جزيرة الفصح، تشيلي - مدينة ماتشو بيتشو القديمة، بيرو - هرم تشيتشن إيتزا - المكسيك -تمثال الحرية، الولايات المتحدة


وطبعا بما انى عاشقة للاثار الاسلامية فى الاندلس هقول ان قصر الحمراء باسبانيا اجمل من ان يقارن باى اثر قديم او حديث لانه يضم العراقة والحضارة واجمل ما فى الطبيعة من حدائق



Sunday, July 01, 2007

ده هو الانفتاح

"متخليكى منفتحة بلاش ترجعونا ورا "
دى باختصار كانت كلماتى احد أقاربىفى نهاية حوار كان بيكلمنى فيه عن البنت بتاعته كما يسميها وكانت مفاجئة لانه ما زالى صغير وهى ماتزال فى اول مرحلة من الثانوية.
المدة اللى فاتت كنت قاعده مع ولاد خالى لانهم جم من هولندا وباباهم ومامتهم ليسى هييجوا بعدهم فقالولى تعالى اقعدى مع بنت خالك قلت ماشى اهى اصغر منى بسنة والعمر متفارب نسلى بعض بدل الاقعده فى البيت والحمد لله البنت زى مش بتحي تخرج كتير واحنا قاعدين فى امان الله دخل احد الاقارب شاب برضه اكبر منى بحاجة بسيطة والاقيه يقول لبنت خالى كلمى فلانه صحبتى اللى متعرف عليها من هندكم وشوفتى صورة فلانه التانيه دى البت اللى اعرفها فى المدينة الفولانية والبنت التانية دى وغيرها وتطورت الاحداث واصبح الكلام كله عن صحباته البنات وشوية وجه واحد صحبه ومعاه اخته عيله فى الاعدادى يادوبك 11 سنة والاقيها بتسأل فى حاجات غريبة على سنها المكياج بانواعه المختلفة والاولاد وحسستنى ان اى بنت لازم تصاحب اولاد ويكون لها جو وعادى يعنى وفيها ايه خليكم عالم منفتحة الكلام دجه نزل كالصاعقة على بنت خالى اللى اساسا تربيت بلاد بره فمابالك باه بيا اللى اتربيت جوه خلصنا من البنت والحمد لله وطلعت ره الاوضه دى شوية وياريتنى ما طلعت البت كانت ارحم علشان الاقى واحد تانى بيتكلم عن البنت بتاعته وصاحبه قاعد والبنت محل الكلام قريبت صاحبه انا قلت خلاص الواد هيتشملل ويقوم يديله الامين
انه يتحرك من مكانه ولا يقول حاجة ابدا وعرفت بعد كده ان صاحبه والست اخته المبجله شافوا قريبى وقريبتهم مع بعض ماشيي عادى خالص فى الشارع وعارفين الموضوع من اوله عادى
قعدنا 3 ساعات بالحال ده الكل بيتكلم عن البنات والموزز وكلهم بيتكلموا عادى خالص
وفى يوم تانى الاقلا بنت الجيران العيلة بتاعت 13 سنة بتكلمنى عن فلانه جارتنا اللى واصحابها الاولاد ومين اصغر منها ومصاحبه مين وشوية وتقولى وانت كمان ماشية مع مين واحدة غيرى طبعا تروح حدافاها من الشباك ده اقل واجب
قلت يابت هخليها عليك عيلة ومش عارفة حاجة عديها الاقيها تلح فى الكلام وتكلمنى زى ما اكون بكدب عليها لما انكر
بجد بجد عيال اخر زمن ده على كده انا واصحابى اللى ملناش فى الافلام دى نبقى من سكان كنديز (كوكب ليسى ناوين يكتشفوه ) , او ممكن نكون واقعين من فيلم اثرى مدام احنا على رايهم عيال مش منفتحة
لا بجد ونعم الانفتاح متخليكم منفتحين كده ياجماعة خلينا نتقدم باه وبلاش كلمة حرام دى اصلها مضرة بالانفتاح والصحة العامة والتقدم والتكنولوبيا خلينا نبقى من اصحاب الريادة فى الانفتاح
الجيل ده ان شاء الله هيدى البلد مقشرة وفوقها بوسة لليهود
ربنا يرحمنا برحمته