خلينا نفكر فى الى حوالينا شوية

معلش هدوشكم اكمننا اخدت الاجازة باه بس معلش استحملونى عيلة وغلطت
انا بس كنت عايزة أسأل ليه أحنا بنفكر فى نفسنا بس وليه كل همنا احنا وبس ليه منراعيش نفسنا ونراعى الى حوالينا كمان ليه منحاولش نحط نفسنا مكان الى امامنا .
الموضوع ده كتير اوى وده مسبب لنا مشاكل كثيرة جدا فى حياتنا اليومية وكمان نفسيتنا اتاثرت به وليه لما بنشوف اعلان عن الاطفال الايتام بيصعبوا علينا وبعد ما ينتهى الاعلان ولا كأن اى حاجة حصلت ليه مش بنحاول نساعدهم ونفكر فيهم و مش لازم بالاموال كفاية اننا نزورهم ونحسسهم اننا معاهم ودى فرصة لاننا اخدنا الاجازة.
لو كل واحد فينا مسح على شعر طفل يتيم ليه بكل شعره لمستها يديه حسنة احسبهم شوف كفرت بيهم كام ذنب من ذنوبك , وكمان بكده بتنصر نبيك محمد صلى الله عليه وسلم الى وصانا باليتيم .
حاول تحط نفسك مكان اليتيم الى بتشوفه وتخيل نعم لربنا عليك الى هو مكنش ليه نصيب فيها وتخيل انك لاقدر الله مكانه كنت هتحس بالاسى لكن لو كان فيه حد محسسك انك مهم بالنسبة له كان هيبقى وضع تانى.
انا بس كل الى بطلبه من اى حد فيكم انه يفتكر غيره خاصة الايتام ويحاول ولو مرة فى السنة انه يزور يتيم ويبتسم فى وجهه ويمرر ايده على شعره وتذكروا دائما توصية رولنا الكريم باليتيم وتذكر نعم الله عليك