التاج وصل يا ردالة

انا كنت قاعدة فى امان الله لاقيت أمل بتقولى ضفتك للتاج ................تاج يعنى ايه ده بيتشرب ولا بيتاكل
المهم مطولش عليكم قالتلى التاج ده اسألة تعرف الناس عليكى قلت وماله مفيش مانع اهو كله بثوابه
قام ايه قام عملت التاج زى ما قالتلى أمل
وربنا يحميكم من التاج وشره ويبعده عنكم وميوريكومش يوم من ايام التاج

كان هذا فاصلا اعلانيا والان وبعد طول انتظار وترقب أنه
.
.
.

التاج
.
.
.

ايه اللي حيحصل لإيميلك لما تموت ؟

عادى خالص محدش هيفتحه ولو حتى كتبته فى الوصية اخواتى هيقولوا عيله وعقلها فاضى اميل مين اللى نفتحه احنا فاضيين نفتح اميلنا

اديت الباسوورد لحد قبل كده ؟

أيون أخواتى على طول بيشفونى وانا بفتحه وكمان مسيفه الباسورد فى الجهاز وكل مرة يبقى عايزين منى حاجة ينسوا الباسورد وارجع احفظهالهم تانى بصراحة شاكة ان عندهم حالة زهيمر مبكر

اسمك؟

هند
(السؤال ده بيفكرنى بعبود على الحدود)

مجال دراستك؟

هندسة قسم ميكانيكا

شخصيتك نوعها ايه؟

بصراحة مش عارفة قصده ايه السؤال ده ومش عارفة الاجابة بتكون ازاى المهم اللى انا عارفة اننا بحب الهوء والجلوس بمفردى كثيرا واللى يعرفونى بيقولوا عليا اجتماعية بس اللى يقعد معايا اكثر يكتشف اننا بخدع اللى يعرفنى معرفة سطحية ويكتشف اننا شوية وبسيب اللمة واقعد لوحدى واقاربنا بيقولولى اننا مدلعة اكمنى الصغيرة كان زماااااااااااااااااااااااان (وضاع العمر يا ولدى) .المهم الحاجة اللى الكل متفق عليها اننا طيبة وقلبى ابيض ومش بشيل من حد ولابغير من حد ولا بكره حد وبيقولوا اننا دمى زى العسل (الحمد لله حد قال فيا حاجة حلوة)
اما اخواتى وبابا بيقولولى ابقى قابلينا لو نفعت وكمان بيقولولى اننا عندية بس يصراحة انا عندية مع ناس ناس حسب اسلوب اللى ادامى وتصرفاته
اه صحيح كمان الحاجة اللى بتضايق ناس منى وناس بتقول دى كويسة اننا صريحة ومش بعرف الف ودور ومبحبش حاجة فة حياتى قد الصراحة فى كل حاجة وكلمتى المأثورة لما كنت اعمل مصيبة المواجهة اروح اقول لماما المصيبة واجرى بسرعة (تيجى منى احسن ما تيجى من الغريب )

بتعمل ايه في وقت فراغك؟

مدمنة افلام اجنبى خاصة الرعب (معدوش كويسين اليومين دول) ممكن أقرأ قصص من الأدب الانجليزى خاصة لتشارلز ديكنز وطبعا من انا من عشاق افلام الكارتون (عيلة يعنى) وكمان بحب اضايق اخويا الكبير واقعد على الكمبيوتر والنت

الأكلة المفضلة؟
الأسماك ثم الأسماك ثم الأسماك ويا سلام لو بورى

الصفات اللي اخدتها من بابا؟

مش عارفة تقريبا مفيش

الصفات اللي خدتها من ماما؟

• الصبر (بس برده بحدود ) قوة التحمل ,الطيبة وحب الغير
• • 
    
  اكتر 6 حاجات بتكرها؟

الخوف والجبن

النفاق والكذب

الضعف والاستسلام الذل

الغل والغرور والغيرة

الفوضى وعدم النظام (ساعات بيبقى عندى مزاج لهم بس بنسبة 1%)

عدم مراعاة الغير والانانية والتفكير بالذات فقط

اكتر 6 حاجات بحبها؟

الله ورسوله صلى الله عليه وسلم والصحابة والرسل اجمعين

اخواتى وعائلتى كخلية مصغرة والعالم الاسلامى

الحرية والانطلاق ورضى الله والنفس

الكرامة والعزه والتجديد

الصراحة والوضوح

برائة الاطفالة

الشغل بالنسبة لك ؟

بالنسبة لى كبنت طاعة الله وخدمة الاخرين واى شئ مفيد المهم اننا معملش حاجة على حساب التانية وقصدى طبعا انه ميتعرضش مع متطلبات البيت واحتياجاته

ايه الكمبيوتر والنت بالنسبة لك؟

استفادة وتسلية وحل لمساكل كتيرة وخبرة ومعرفة

ماذا تعنى الدنيا بالنسبة لك؟

الدنيا بالنسبة لى هى محطة واقفين فيها مستنيين قطار المغادرة وخير زادها العائلة السعيد الصالحة المحبة لله وطاعته وكمان الراحة النفسية باراحة الضمير

"القرآن" ماذا يعنى لك؟

كتاب الله من اهتدى به فخير له وراحة لنفسه وهدى وطمأنينة

"الله" ماذا يمر بذهنك اول ما تقرأ هذه الكلمة؟

الرحمة وعظمته فى خلق كل ما هو جميل ومع ده كله فيه منظر انا بحبه جدا بيتمثل امام عينى فى اللحظة دى وهو منظر اخدته وكالة الفضاء ناسا لانشقاق احد النجوم

ما اهم مبادئك فى الحياة التى تعيش بها"من واحد الى ثلاث مبادىء؟

الصراحة والوضوح
اهم حاجة رضى الله والنفس المهم اننا اكون مقتنعة بان اللى انا بعمله مش حرام وبعد كده اللى يزعل يزعل
حب العائلة وحمايتها أهم من أى شئ
مراعاة الناس وتفهم تصرفاتهم كما احب ان اراعى ويفهم موقفى

ما هى ملخص افكارك؟

ملخص افكارى ازاى يعنى ياريت يا أمل تقوليلى يعنى ايه

من هم قدوتك فى الحياة_ من واحد الى خمسة؟

الرسول صلى الله عليه وسلم

الأنبياء اجمعين لازم ناخد منهم العظة وعلى رأسهم سيدنا يوسف وسيدنا ابراهيم

الصحابة وعلى رأسهم سيدنا خالد بن الوليد وعمر بن الخطاب

اليوسفين يوسف صلاح الدين الايوبى ويوسف بن تشفين

وكل من ساعد فى نصرة الامة وبناء حكمة تتوارثها الاجيال

ملحوظة

كل انسان وجد على وجه الارض وقع فى خطأ ما فأولا وأخيرا يجب أن نحاول الأخذ بما يأمرنا به الله

ما هى اهتماماتك و مواهبك ؟

اهتماماتى عندى فضول لمعرفة كل ما هو جديد سواء فى النت او غيره او اكتساب معلومات المهم انها تكون مفيدة ومجاراة العالم وما يحدث به من تقلبات سياسية او انسانية وكمان كروية على النطاق الاوروبى بس وحاجات تانية كتير
اما مواهبى بصراحة مش عارفه


ما هى اهم قضاياك؟

اهم قضايا لأى مواطن عربى مسلم هى المساعدة فى رفع الغمة وتحرير كل أرض مسلمة وجدت سواء الاندلس او فلسطين او العراق وغيرها ممن يستعمرها حكامها
اما على النطاق الشخصى المساعدة فى بناء أسرة وأطفال يكون هدفها طاعة الله