غريب اننا اكتب فى الموضوع ده بس بجد الموضوع استفزنى اوى لما نبقى لسى خارجين من البطولة باداء رائع ثم النكسة ونلاقى الجماهير المصرية كلها كعادتها رفعت المنتخب المصرى سابع سماء عند الانتصار الساحق على ايطاليا والتاريخى وكذلك الاداء المبهر امام البرازيل ثم كعادتها تمحى من ذاكرتها كل ما فات وتتذكر فقط النهاية والاسوأ انهم يلقون بالمسئولية على لاعب بعينه واذا لم يصاب الحضرى اليوم لكان هو كبش الفداء بالنسبة لهم
للاسف ده طبعنا دائما لان كما اعلم ويعلم الجميع لعبة كرة القدم لعبة جماعية مينفعش فيها الفردية زى ما بنقول ان اللاعب ده انانى فى اللعب واساء لروح الفريق نقول برضه ان الفرقة كلها قصرت بالجهاز الفنى يعنى الغلط جماعى والنصر جماعى
ده اولا
ثانيا اللى استفزنى بقى للموضوع كلام الاعلام وخاصة عمرو اديب وتهجمه الصريح على المنتخب بشأن خبر السرقة الذى نشر والاخبار التى تداولت عن اسطحاب الفريق لفتيات ليل ورد زيدان عليه انه مينفعش تيجى مننا بالتهجم على فريقنا وبجد رده انا احترمته جدا وعنده حق فى كل كلمة قالها المفروض اننا نكون معاهم مش لانهم خسروا نتقلب عليهم بجد ده يشجع الفريق ان ميبقاش على حاجة غير نفسه مادام اننا كده بجد عمرو اديب يروح يلعب بعيد احسن له كفاية حرقت دم
يعنى ايه لاعبين يصطحبوا فتيات ليل فى كاس العالم قبل الماضى 2002عندما قامت زوجات اللاعبين الانجليز بشراء المئات من زجاجات الخمرة واهدار الاموال فرحا بالفريق كانت ماساة اعلامية خاصة بعد الخروج من البطولة
فما بالك لما يتقال ان الفريق اصطحب مومسات ده كارثة يتعاقب عليها الكل من اعلى راس من سمير زاهر
ده فريق فى بطولة يعنى كل شئ بحساب ادارة الفندق عايزة تخلص نفسها اخترعوا حجة والاهم ان الماتش خلص على الساعة 12 وعلى وصول الفريق للفندق وغيره هتكون عدت الساعة واحدة وجميعنا شاهد احتفالات اللاعبين فى الباص الخاص بهم يعنى اكيد تجاوزت الساعة الواحدة يعنى ناس تعبانه راجعة بعد واحدة وبتحمد ربنا وماشاء الله الفريق ليس عليه غبار من الناحية الاخلاقية تبقى جت ازاى وياترى بقى تهمت المومسات هيلبسوها لمين فى الفريق
بجد مينفعش يتقال غير حسبى الله ونعم الوكيل لاننا مش منصفين مع الفريق والكل يعلم الخلل الكبير فى ادارة اتحاد الكرة عندنا والاموال اللى اخدوها السنة اللى فاتت فى الامارات واتخانقوا عليها انما لاعبين الفريق ليس عليهم غبار وكما قالها احمد حسن من قبل ده جيل عارف ربنا ومحترم جدا وحرام ميتنصفش ببطولات
بغض النظر عن الاداء مش لازم تكون اول السهام المتهمة لهم هى سهامنا
وقبل كده فى البطولة الافريقية 2004 قالوا ميدو جاى وجايب صحبته معاه هو فاكرنا ايه والناس صدقت وطلع ان الراجل متجوز ومخلف بس لازم نفترى على حد بجد حرام وكفايا افترى
11 comments:
السلام عليكم و رحمة الله و بركاته
أختى الكريمة
هذا هو اعلامنا للأسف
يحاول جذب الزبون ( اللى هو احنا يعنى )بأى طريقة ..كذب ( قال رسول الله صلى الله عليه و سلم : كفى بالمرء كذبا أن يحدث بكل ما سمع ) و دول بيحدثوا باللى سمعوه و اللى لسه هيسمعوه و اللى مش هيسمعوه
تلفيق .. بهتان ...فرقعات ..
و فعلا الإدارة هى المشكلة الأساسية ... ربنا كرمهم يروحوا يجيبوا رقاصات تحتفل بالمنتخب
حسبنا الله و نعم الوكيل
أسأل الله أن يصلح إعلامنا
بارك الله فيك
تقبلى تحياتى
و سعيد لأنى أول تعليق ( فيما يبدو )
السلام عليكم
أنا لست من المؤيدين لعمرو أديب بل على العكس يستفزني في أوقات كثيرة رغم خفة دمه في تناول المواضيع لكن أن نحكم مثله على الأمور بدون دليل هو ما آخذه عليك فنحن لا نعلم أين الحقيقة وعمرو أديب أخطأ في انفعاله الزائد كما أخطأ كل الشعب المصري في فرحته العرمة وكأننا استردينا القدس !!!!
المبالغة الشديدة سواء سلبا أو ايجابا هي آفاتنا
والتسرع بالحكم أيضا ,,فقد يكون الخبر صادقا وقد يكون كاذبا ولكن تزامن الخبر مع حالة الفريق الغير طبيعية رجح صدق الخبر لدى الكثيرين ومنهم عمرو أديب
هناك بالتأكيد من الفريق أناسا فوق الشبهات وقد يكونوا كلهم فوق الشبهات لكننا لا نعلم فهم ليسوا أبناءنا أو لنا صلة قوية بهم لنعرف صحيح أخلاقهم
الخلاصة أن الخبر جاء من فاسق وهي الجرائد الأجنبية فكان لا بد أن ننتظر ونتأكد من صحة الخبر فاذا ثبتت صحته أقمنا الدنيا ولا نقعدهاعلى أناس أساءوا لبلدنا وأولا وأخيرا لديننا واذا ثبت كذبه أقمنا الدنيا ولا نقعدها أيضا دفاعا عن شرف ممثلين لمصر وفخرا بأخلاقهم
فهل أنت متأكدة من دفاعك ؟
ولكل من انضم للهجوم عليهم هل أنت متأكد من هجومك ؟
المشكلة الحقيقية أن
الكورة اصبحت أفيون الشعوب وخطرها أنها ألهتنا عن أهم القضايا وما يجب أن نعد له ومايستحق أن نفرح عليه وما يستحق أن نبكي من أجله
ربنا يصلح حالنا يارب
كل اناء ينضح بما فيه
وكرة القدم تقدم لنا (مثل أي شيئ آخر) انعكاسا حقيقيا للمجتمع بصورة أو بأخرى
فما بين انتصار مدو وهزيمة مذلة
وما بين اعلام يرتفع باللاعبين الى عنان السماء ويرشح حسن شحاته الى رئاسة الجمهورية .. ثم ينال منهم بموضوع العاهرات بهذا الشكل الغريب .. هذا هو انعكاس المجتمع .. اللا تخطيط واللا موضوعية
السلام عليكم
أغرب حاجة
ان عمرو اديب وعزت ابو عوف يتكلموا عن
الشرف والاخلاق
!!
طب حد اخد بالو من (( ميس ايجيبت )) هى كانت بتمثل مصر ولا ايه
؟!
حسن شحاته اخطأ
وكما رفع على الرؤوس عندما قدم ما يجب عليه
للجماهير الحق وكل الحق ان يخسفوا به سابع ارض
لكن لا يعنى ذلك الخوض فى الاعراض
ونحن لم نتبين من الخبر لانه " ان جاءكم فاسق بنبأ فتبينوا " والاعلام الاجنبى فضلا عن اعلامنا
فاسق
فاسق
فاسق
لكن ان ثبت صحة الخبر
فلا أقل من إعدام امثال هؤلاء
ولن يشفع لهم الفوز على اطاليا ولا حتى البرازيل ولا حتى الجن الازرق ...
ولا عزاء للاخلاق
تحياتى
dr aly khamis
للاسف كتير من اعلامنا بالطريقة ده بس فيه عينات قليلة متواجدة ربما هى كثيرة ولكن لا تلفت الانظار اليها لانها لاتقدم ما يطلبه الشعب المصرى الذى للاسف يحب الكلام وينساق وراء الاشاعات
مجداوية
هو عمرو اديب من زمان وانا بقول انه ارجوز مش خفيف الدم دايما بحس انه بيتكلم من منظلق الجهل وانه بتاع حركات
المهم انت بتقولى اننا مش متاكدين من الحقائق
حاليا اليوم بدات تتضح الامور واتضح كل شئ خاصة بعد ظهور حالة السرقة الثانية فى المنتخب البرازيلى
ثانيا التعصب الاعمى هو مش كده بالضبط هى الفكرة اننا دايما بنحمل همومنا واخطائنا وكل اخطاء الدولة والشغل وغيرة على الحاجة اللى نعرف نفش غلنا فيها وهى كرة القدم فتلاقى الهجوم جامد عند الخسارة يمكن لانها بتفكرهم بخسارة كل شئ
يامراكبى
للاسف كرة القدم جعلناها انعكاسا لنا وشماعتنا اللى بنحملها همومنا وكمان منفذنا للتنفيس وتناسينا باقى الامور ويمكن كمان تناسينا ان حاليا بتحتم الظروف على دول كبيرة تفرض سطوتها للفوز بالمباراة لانها من الدول الكبيرة زى ما حصل للجزائر قبل كده وغيرها من اقاويل عن مباريات اخرى كالمانيا والارجنتين يعنى مش كرة القدم بس التى ستصنع لنا الكرامة بل التقدم يشمل كل النواحى
بس احنا زى ماانت قلت بالضبظ لانظاميين ومفيش تخطيط وبالبركة وسيبها على الله ولو حد خطط هينصدم بفشل تخطيطه لعدم وجود نظام فى باقى المجالات
احنا زى الغريق بيتعلق بقشة
على عبدالله
تصدق ان الحاجة اللى انا اكتشفتها فعلا من اللى عمله عمرو امبارح لما شفت الرد عليه من اللاعبين والبرامج الاخرى كشوبير والبيت بيتك اكتشفت ان عندنا اعلامييين محترمين فى الرد ورياضيين محترمين زى المجموعة اللى كانت فى البيت بيتك وزى احمد شوبير وان الناس فعلا مش بتبان غير وقت الشد اما بالنسبة لعمرو فمن زمان اوى وانا بطلت اشوفه لغاية امبارح هو والمجموعة اللى معاه لانهم لا بيعرضوا حقائق وحياة الناس ولا حاجة بيحسسونى انهم بيتكلموا عن مشاكل الناس وبيستخفوا بها لانهم معاشوهاش فعلا مش محروق دمهم وانما هو شو اعلانى
السلام عليكم ورحمة الله... وبعد
أقرأ لمن...أستمع لمن... أصدق من....؟؟
قضية أزعجتنى منذ زمن بعيد وأعتقد أنى هديت لحلها.... أقرأ لمن يعيش قضيته ويضحى فى سبيلها لا لمن يكتب عن قضايا الآخرين ويرتزق من جرائها...أستمع لمهموم يسهر من المعاناة وينام بعدالمكابدة.... أصدق من يقول ليعمل لا من يقول ليقول
واخيرا سلموا لى عمرو
ودمتم سالمين..
فيه فرق ضخم
بين انك تعاتب حد على ادائه الرياضى وده شىء عادى جدا
اما الغير مقبول اتهام لعيبة فى عرضها
اظن ان ده حد قذف محتاج اربع شهود وإلا الرجم ده المفروض
اتهام العرض مش سهل ابدا
بجد طبيعى انه لازم حد يتحاسب
اما عمرو ان كان مخطىء او الاعيبة ان كان مصيب
واظن ان الاخبار المتداولة حاليا من جنوب افريقيا تؤكد كذب الخبر
اقول ايه غير حسبى الله ونعم الوكيل
المشكلة ان احنا لما ننقد بنقد غلط ولما نحاول نتفزلك بتيجى على دماغنا وطبعا الإعلام عرض أقوال صحف جنوب افريقيا الكاذبة ولكن طريقة العرض هى اللى غلط وفى الآخر نقول هو احنا معندناش زوق ليه
وفى الآخر سبحان الله
كل دى من وجهه نظرى تصفيه حسابات اعلاميه
الاعلام هو الى بيوجه الرئى العام
وبيستفيد من التوجيه ده
وبينى وبينك الى يعلم قدام الجامد جامد وقدام الضعيف ضعيف يبقى هيضيع
لازم ثبات للمستوى
حتى لو المستوى متواضع
بس نقطه نتحرك منها
لكن انهارده محدش يقدر يقول المنتخب كويس ولا وحش
ولا هيعمل ايه قدام روندا تشيك
لقصد روندا هناك
تحياتى
Post a Comment