تاج واحد لا دول اتنين

واحنا بنقول رمضان كريم والدنيا هتتملى مواعين اتبعتلى تاجين واحد طويييييييييييييل مبعوث من مفكرة حالم وواحد غريب خمسة من منوش فقررت ادمجهم وانجز داخلين على صيام والناس مش فاضية فجبت من الاخر

أحب شخص لقلبك في الدنيا؟

أكيد هو سيدنا رسول الله صلى الله عليه وسلم ومن بعده سيدنا يوسف والانبياء والصحابة
وعلى المستوى الشخصى والدتى وعيلتى ربنا يخليهم لى

انسان مستعد تضحي بحياتك عشانه؟

كل عيلتى وكل ذو خلق ودين وأكيد أى طفل

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

كل من تجرأ وأكل حقا من حقوق المسلمين بالظلم

ما هو اسم اجمل كتاب كتبه بشر قراته ومحتفظ بيه حتي الان ؟ اسم كتاب -كتبه بشر برضة- انت متعلق بيه وبتقرأه كل فترة؟

والله نظرا لاننا مببش أقرأ كتير غير قصص تشارلز ديكنز فأنا أفضل أوليفر تويست أما ما يتعلق بالكتب الدينية فأنا أحب أسمعها على هيئة خطب من الشيوخ اللى بحترمهم ووبالنسبة للكتب العلمية والتغيرات الطبيعية والسياسية بحب أوى أشوفها كأفلام وثائقية او برامج اخبارية

جهاز منزلى انت متعلق بيه او بتستخدمه كتير؟

الراديو أكتر جهاز كهربى مقدرش أستغنى عنه .............غريبه فى زمنا ده .

مكان تحس بالراحة النفسية عندما تراه؟

الكعبة المشرفة وجميع المناظر الطبيعة سواء جبال جليد او خضرة او بحار واسعة وكمان شروق الشمس بجد يهبل

مكان تحس فيه بالحنين الى شىء لا تدرى ماهو و ذكريات جارفة الى شي؟

حجرتى وكل مكان بيفكرنى بذكريات الطفولة

مكان تحس بالراحة عندما تدخله؟

بيتنا وخاصة حجرتى

اجمل مدينة زرتها داخل مصر؟ واجمل منظر طبيعي داخل مصر ؟

الأسكندرية وأكيد البحر خاصة فى الشتاء ومفيش حد والسفن ماشية فيه بتتمختر رايحة وجاية


شخصيات كارتونية بتحبها؟؟

1-هزيم الرعد
2-سيتو كايبا
3-يوجى
4-جميع شخصيات القناص
5- سيمونى
6- شاهين
وفيه اكتر ما انتم جيتم عند عيلة

صف ما يأتى:شعورك لما بتسمع كلمة مصر ؟

والله حسب الموقف المحيط بالكلمة لو فى نشرة اخبارية اكيد بالنكد والهم والحزن ولو فى غيرها برضه بالحزن على حالها

شعورك لما بتسمع كلام عن اليهود؟

احساس بحقارتنا واستهتارنا اللى خلوهم يكونوا رأسمالية وهيمنة على مر العصور واديناهم الفرصة يتحكموا فينا وصمتنا المستمر عليهم

شعورك لما بتشوف ظابط شرطة؟

دلوقتى أكيد بالقرف من كتر عمايلهم

شعورك لما بتشوف الكناس العجوز فى الطريق؟

بحس أنه أحسن منى عند ربنا وبحتقر كل من تسول له نفسه بالتعالى

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

بحمد ربنا انه ليسى فيه اللى بينفذ سنة رسوله وبتمنى ربنا يهدى الشباب كله

باقى التاج كتبته قبل كده فى التاج وصل يا ردالة

تاج
Mnosh

أكتب أكتر خمس روائح بتحبها ؟

1- رائحة الصبح وليسى الشمس مكملتش طلوع
2- رائحة المزارع والخضرة
3- رائحة الزهور (الياسمين )
4- رائحة بارفان خالى
5-ريحة الكولة بجد بمنع نفسى عنها بالعافية